የተቋሙ ስልጣን ፤ ተግባርና ስትራቴጂያዊ የትኩረት መስኮች

1. መሰረታዊ ኅብረት ስራ ማህበራትን፣ የህብረት ስራ ዩኒየን፣ ፌዴሬሽን፣ በኅብረት ስራ ማህበራትን አዋጅ ያደረጃል፣ ይመዘግባል፣ ያስፋፋል፣ ሂሳብ ይዘረጋል፣ ህጋዊ ሰውነት ማረጋገጫ የምስክር ወረቀት ይሰጣል፣ ማህበሩ ሲፈርስ ሂሳብ አጣሪ በመመደብ ከመዝገብ ይሰርዛል፣

2. የኅብረት ስራ ዕሴቶች፣ መርሆዎች፣ አደረጃጀትና ጠቀሜታ በሕብረተሰቡና በትምህርት ተቋማት ይበልጥ እንዲታወቁ ግንዛቤ ማስጨበጫ ተግባራትን ያከናወናል፣

3. የኅብረት ስራ ማህበራቱን ሞዴል መተዳደሪያ ደንብ፣ ሞዴል መመሪያ፣ አመታዊ የስራ እና የበጀት እቅድ እንዲዘጋጅ፣ በጠቅላላ ጉባኤ እንዲጸድቅ፣ የስራ አመራር ኮሚቴ፣ የቁጥጥር ኮሚቴና ሌሎች ኮሚቴዎች እንዲመረጡ፣ የባንክ ሂሳብ እንዲከፈት፣ የመጠባበቂያ ሂሳብ በባንክ እንዲያስቀምጡ ድጋፍ ያደርጋል፣ አፈጻጸሙንም ይከታተላል፣

4. የሀገር ውስጥና የውጭ አገር ስልጠና፣ የተሞክሮ ልምድ ልውውጥ ዕድሎች በየደረጃው ለሚገኙ የጽ/ቤቱ ፈጻሚዎች፣ ለኅብረት ስራ ማህበራት አመራሮች፣ የቅጥር ስራተኞች እና ባለድረሻ አካላት የሚያገኙበትን ስልት ይቀይሳል ፣

5. ለኅብረት ስራ ማህበራት እና የጋራ ሕንጻ ቤት ባለቤቶች ማህበር እድገት የሚበጁ ፕሮጀክቶችን በማጥናትና በማዘጋጀት እንደ አስፈላጊነቱ ከከተማው አስተዳደር ጋር በመተጋገዝ ድጋፍ የሚያገኙበትን መንገድ ያመቻቻል፣

6. የኅብረት ሥራ ማህበራት እና የጋራ ሕንጻ ቤት ባለቤቶች ማህበር በአካባቢ ልማትና በማህበራዊ አገልግሎት እንዲሳተፉ አሰፈላጊውን ደጋፍና ክትትል ያደርጋል፣

7. የኅብረት ሥራ ማኅበራት ባንክ እና ኢንሹራንስ ስለሚቋቋሙበት ምቹ ሁኔታዎችን ይፈጥራል፣ ሙያዊ ድጋፍ ይሰጣል፣

8. በገንዘብ ቁጠባና ብድር ኅብረት ስራ ማህበራት የተደራጁትን አባላት የቁጠባ ባህል እንዲዳብር እና የቁጠባ ድርሻቸውን ከፍ በማድረግ ወደ ኢንቨስትመንት የሚሸጋገሩበትን የአሰራር ስርዓት ይዘረጋል፣

10. የኅብረት ስራ ማህበራት ከተለያዩ ክልሎች፣ የውጪ ሀገር ተቋማት፣ በሀገር ውስጥ ካሉ ከማምረቻና ማከፋፊያ ድርጅቶች የተለያዩ የግብርናና የፋብሪካ ምርት ውጤቶችን ግብይት በተመጣጣኝ ዋጋ ለአባላት ተደራሽ እንዲሆን ድጋፍ ይሰጣል፣ ያመቻቻል፣ የህብረት ስራ ማህበራት ምርቶች ተጨማሪ ዕሴት ወይም ዋጋ እንዲኖራቸው፣ ወደ ኢንዱስትሪ ምርትነት እንዲለወጡና የዕደ ጥበብ ምርቶች እንዲያድጉ የሙያና የቴክኒክ ድጋፍ ያደርጋል፡፡

11. የኅብረት ስራ ማህበራት የገበያ መሰረተ ልማት እንዲሟላላቸው አሰፈላጊውን ድጋፍ ያደረጋል፣ ይከታተላል፣ የመሰሪያ ቦታ፣ የመሸጫ ቦታ እና ሌሎች መሰል ተቋማት አስተዳደርና አጠቃቀምን በሚመለከት ችግሮቻቸው የሚፈቱበትን አግባብ ፣ ያመቻቻል፣ ድጋፍ ይሰጣል፣

12. ለኅብረት ሥራ ማህበራት እና የጋራ ሕንጻ ቤት ባለቤቶች ማህበር የኢንሰፔክሽን አገልግሎት ድጋፍ ይሰጣል፣ ኅብረት ስራ ማህበራትን፣ ህግ አክበረው እዲሰሩ ያደረጋል፣ የአደረጃጀት፣ ስራ አመራር፣ የስራ-አፈፃፀም፣ የኦዲትና ኢንስፔክሽን ተግባራዊ መሆናቸውን፣ አለመግባባትና አፈታት ስርአት ስለመኖሩ ኢንስፔክት ያደርጋል፣ህግ በማያከብሩ ላይ ህጋዊ እርምጃ ይወስዳል፣

13. በኅብረት ሥራ ማኅበሩ ወይም በሥራ አመራር ኮሚቴ ወይም በማንኛውም የቀድሞ የሥራ አመራር ኮሚቴ አባል፣ ማንኛውም ሥራ አስኪያጅ፣ ወኪል ወይም ሠራተኛ ወይም የቀድሞ ሥራ አስኪያጅ፣ የቀድሞ ወኪል ወይም የቀድሞ ሠራተኛ ተጠሪው፣ ወራሾቹ ወይም ወኪሎቹ ወይም በሞት በተለዩ የኅብረት ሥራ ማኅበሩ ሥራ አስኪያጆች፣ ወኪሎች ወይም ሠራተኞች መካከል የሚነሳ ክርክር፤በአንድ ኅብረት ሥራ ማኅበርና በማንኛውም ሌላ ኅብረት ሥራ ማኅበር መካከል የሚነሳ ክርክር ወይም በአንድ ኅብረት ሥራ ማኅበርና በማንኛውም ሌላ ኅብረት ሥራ ማኅበር መካከል የሚነሳ ክርክር፡፡

14. የህግ ምክር አገልግሎት ይሰጣል፣በኅብረት ሥራ ማህበራት እና በሌሎች መካከል አለመግባባት ሲከሰት፣ ማህበራቱን ወክሎ ችሎት ፊት ይቆማል፣ አፈጻጸም ይከፍታል፣ ኅብረት ሥራ ማህበራት በሚያደረጉት ማንኛውም የውል አዘገጃጀትና ስምምነት ላይ ድጋፍ ይሰጣል፣

15. ለኅብረት ስራ ማህበራት የኦዲት አገልግሎት ይሰጣል፣ አሰፈላጊ ሆኖ ሲገኝ ኅብረት ስራ ማህበራት በራሳቸው ወጪ ኦዲት እንዲያከሂዱ ይፈቅዳል በውጭ ኦዲተሮች የተደረገውን ኦዲት ያረጋግጣል፣ ኦዲት እንዲደረግ ያመቻቻል፣ ወጥ የሆነ የኦዲት አሰራር ስርዓት እዲዘረጋ ያደረጋል፡፡

16. የብቃት ማረጋገጫ አሰጣጥ ግንዛቤ ማስጨበጫ ስልጠና ይሰጣል፣ ኅብረት ስራ ማህበራትን ይመዝናል፣ የብቃት ማረጋገጫ ሰርተፍኬት ይሰጣል፣ ይሰርዛል ፣

17. በጋራ ሕንጻ ባለቤትነት አዋጅ መሰረት የጋራ ሕንጻ ቤት ባለቤቶች ማህበራትን ያደረጃል፣ ይመዘግባል፣ ያስፋፋል፣ ህጋዊ ሰውነት ማረጋገጫ የምስክር ወረቀት ይሰጣል፣ ማህበሩ ሲፈርስ ከመዝገብ ይሰርዛል፣ ግጭት አፈታትና አወጋገድ ስርዓት ይዘረጋል፣

18. ተጠሪነቱ ለኤጀንሲው የሆነ የኅብረት ሥራ ማኅበር አማካሪ ምክር ቤት ያቋቁሟል ተግባርእና ኃላፊነቱን በቢሮው በሚወጣ መመሪያ የሚወስን ይሆናል ፡፡

19. .ለህብረት ስራ ማህበራት እንቅስቃሴና ዕድገት የሚበጁ የፖሊሲ ሃሳቦችንና የህግ ረቂቆችን አዘጋጅቶ ለአዲስ አበባ ከተማ አስተዳደር መንግስት ያቀርባል፣ አፈፃፀሙንም ይከታተላል፡፡

20. በክፍለ ከተማ ወይም ወረዳ ለሚደራጁ ፅ/ቤቶችና የህብረት ስራ ማህበራት የቴክኒክና የሙያ ዕገዛ ያደርጋል፡፡

21. የንብረት ባለቤት ይሆናል፣ ውል ይዋዋላል፣ በራሱ ስም ይከስሳል፣ ይከሳል፣፡